- Тип техники
- Бренд
Просмотр инструкции мультиварки Vitek VT-4209 BW, страница 61
61
Беларуская
11. Захавайце настройкі праграмы, націснуўшы і ўтрымліваючы на працягу 3-х
секунд кнопку (37) «ОК».
Нататка: Калі вы не жадаеце захоўваць настройкі праграмы, націсніце
кнопку (37) «ОК» без утрымлівання.
12. Для ўключэння прыгатавання націсніце кнопку (35) «СТАРТ/СТОП».
Нататка: – Каб уключыць праграму з загадзя зададзенымі настройкамі,
выканайце дзеянні, апісаныя ў пунктах 1-3 і 12.
ВАЖНЫЯ РЭКАМЕНДАЦЫІ
Інгрэдыенты
Мука
Уласцівасці мукі вызначаюцца не толькі гатункам, але і ўмовамі вырошчвання
збожжа, спосабам апрацоўкі і захоўвання. Спрабуйце пячы хлеб з мукі розных
вытворцаў і марак і знайдзіце тую, якая задавальняе Вашыя патрэбнасці.
Асноўнымі відамі пякарнай мукі з’яўляюцца пшанічная і аржаная. Пшанічная
мука выкарыстоўваецца больш шырока, гэта абумоўлена тым, што выпечка
з пшанічнай мукі мае прыемныя смакавыя якасці і мае высокую харчовую
каштоўнасць.
Пякарная мука
Пякарная (рафінаваная) мука, якая складаецца толькі з унутранай часткі
зерня, утрымоўвае максімальную колькасць клейкавіны, якая забяспечвае
эластычнасць мякішу і прадухіляе апад хлеба. Выпечка з пякарнай мукі
атрымліваецца больш пышнай.
Суцэльназернавая мука (шатраваная)
Суцэльназернавую (шатраваную) муку атрымліваюць шляхам перамолвання
суцэльных зерняў пшаніцы разам з абалонкай. Гэты гатунак мукі адрозніваецца
павышанай спажыўнай каштоўнасцю. Суцэльназернавы хлеб звычайна
атрымліваецца меншага памеру. Для паляпшэння спажывецкіх уласцівасцяў
хлеба суцэльназернавую муку часта змешваюць з пякарнай мукой.
Кукурузная і аўсяная мука
Для паляпшэння тэкстуры хлеба і надання яму дадатковых смакавых якасцяў
змешвайце пшанічную ці аржаную муку з кукурузнай ці аўсянай мукой.
Цукар
Цукар узбагачае выпечку дадатковымі смакавымі адценнямі і надае хлебу
залацістае адценне. Цукар з’яўляецца пажыўным асяроддзем для росту
дрожджаў. Дадавайце ў выпечку не толькі рафінаваны, але і карычневы цукар,
а таксама цукровую пудру.
Дрожджы
Рост дрожджаў суправаджаецца вылучэннем вуглякіслага газу, які спрыяе
атрыманню порыстага мякішу. Мука і цукар з’яўляюцца пажыўным асяроддзем
для росту дрожджаў. Дадавайце свежыя прасаваныя ці хуткадзейныя сухія
дрожджы. Свежыя прасаваныя дрожджы растварайце ў цёплай вадкасці
(вадзе, малаке і г.д.), хуткадзейныя дрожджы дабаўляйце ў муку(не патрабуюць
папярэдняй актывацыі, г.зн. дадання вады). Прытрымлівайцеся рэкамендацый
на ўпакоўцы ці кіруйцеся наступнымі прапорцыямі:
1 чайная лыжка хуткадзейных сухіх дрожджаў = 1,5 чайнай лыжкі свежых
прасаваных дрожджаў.
Трымайце дрожджы ў халадзільніку. Высокая тэмпература знішчае дрожджы, і
цеста паднімаецца дрэнна.
Соль
Соль надае хлебу дадатковы смак і колер, але затрымлівае рост дрожджаў.
Не выкарыстоўвайце празмерную колькасць солі. Заўсёды выкарыстоўвайце
дробную соль (буйная соль можа пашкодзіць антыпрыгарнае пакрыццё формы).
Яйкі
Паляпшаюць структуру і аб’ём выпечкі, надаюць дадатковы смак. Перад
даданнем у цеста добра ўзбіце.
Жывёльныя і раслінныя тлушчы
Жывёльныя і раслінныя тлушчы робяць выпечку мякчэй і павялічваюць тэрмін
захоўвання. Перш, чым дадаць сметанковае масла, парэжце яго на невялікія
кубікі ці дайце яму крыху падтаць.
Пякарны парашок і сода
Сода і пякарны парашок (разрыхляльнік) укарочваюць час, неабходны для
ўздыму цеста. Соду неабходна папярэдне змяшаць з лімоннай кіслатой і
невялікай колькасцю мукі (5 г харчовай соды, 3 г лімоннай кіслаты і 12 г мукі).
Гэтая колькасць парашка (20 г) разлічана на 500 г мукі. Не выкарыстоўвайце для
гашэння соды воцат, гэта робіць мякіш менш аднародным і больш вільготным.
Пякарны парашок (разрыхляльнік) проста засыпце ў форму, кіруючыся
ўказаннямі у рэцэпце.
Вада
Тэмпература вады мае важнае значэнне пры выпечцы хлеба. Аптымальная
тэмпература вады 20-25°С, Вы можаце замяніць ваду малаком ці ўзбагаціць
смак хлеба, дадаўшы некаторую колькасць натуральнага соку.
Малочныя прадукты
Малочныя прадукты паляпшаюць пажыўную каштоўнасць і смак хлеба.
Мякіш атрымліваецца прыгажэйшым і апетытным. Выкарыстоўвайце свежыя
малочныя прадукты ці сухое малако.
Садавіна і ягады
Для прыгатавання джэма выкарыстоўвайце толькі свежую і якасную садавіну
і ягады.
ДАЗІРОЎКА
Сакрэт добрага хлеба не толькі ў якасці інгрэдыентаў, але і ў дакладным
выконванні іх прапорцый.
– Выкарыстоўвайце кухонныя вагі ці мерную ёмістасць (22) і лыжку (24), якія
ўваходзяць ў камплект пастаўкі.
– Напоўніце мерную ёмістасць (22) вадкасцю да адпаведнай адзнакі.
Праверце дазіроўку, устанавіўшы ёмістасць (22) на роўнай паверхні.
– Добра чысціце ёмістасць (22) перад вымярэннем іншага віду вадкасці.
– Сухія інгрэдыенты не ўшчыльняйце, насыпаючы іх у мерную ёмістасць (22).
– Важна прасяваць муку перад узважваннем, каб насыціць яе паветрам, гэта
гарантуе найлепшы вынік выпечкі. Горку здымайце пры дапамозе нажа.
ЗАКЛАДВАННЕ ІНГРЭДЫЕНТАЎ
– Рэкамендуемая паслядоўнасць закладвання інгрэдыентаў (калі ў рэцэпце не
ўказана іншае): вадкасці (вада, малако, масла, узбітыя яйкі і г.д.) выліваюцца
на дно ёмістасці для выпечкі (2), затым засыпаюцца сухія інгрэдыенты, сухія
дрожджы дабаўляюцца толькі ў апошнюю чаргу.
– Сачыце за тым, каб мука не намакала цалкам, кладзіце дрожджы толькі на
сухую муку. Дрожджы таксама не павінны кантактаваць з соллю, бо апошняя
змяншае актыўнасць дрожджаў.
– Выкарыстоўваючы функцыю адтэрміноўкі, не закладвайце ў форму (2)
прадукты, якія хутка псуюцца, напрыклад, яйкі, садавіну, малако.
Увага!
Усе рэцэпты носяць рэкамендацыйны характар, бо патрабаваныя для
рэцэптаў аб’ёмы і суадносіны інгрэдыентаў могуць вар’іравацца ў залежнасці
ад рэгіянальнай спецыфікі прадуктаў і вышыні над узроўнем мора.
ПРАБЛЕМЫ ПРЫ ВЫПЕЧЦЫ ХЛЕБА
Цеста паднімаецца занадта хутка Празмерная колькасць дрожджаў, мукі ці недастатковая колькасць солі
Хлеб не паднімаецца
Недастатковая колькасць дрожджаў
Старыя ці неактыўныя дрожджы
Дрожджы дакрануліся да вадкіх інгрэдыентаў ці солі да замесу
Няправільна выбраны гатунак мукі, або мука няякасная
Недастатковая колькасць цукру
Мяккая вада прыводзіць да больш актыўнага росту дрожджаў
Інтэнсіўны ўздым цеста, цеста выходзіць
за межы формы для запякання
Залішняя колькасць дрожджаў ці мукі
Празмерная колькасць цеста
Хлеб апаў у цэнтры
Няякасны рост дрожджаў праходзіць з-за высокай тэмпературы вады, або выкарыстоўвалася празмерная
колькасць вадкасці
Празмерная колькасць мукі або недахоп вадкасці
Тоўсты мякіш, камякі
Недастатковая колькасць дрожджаў і цукру
Празмерная колькасць садавіны, суцэльных зерняў і г.д.
Няякасная мука
Празмерная тэмпература вадкасці прыводзіць да хуткага росту дрожджаў і ранняга ападу цеста
Няма солі ці недастатковая колькасць цукру
Недахоп мукі
Хлеб не прапёкся ў цэнтры
Выкарыстанне вялікай колькасці вадкасці і вадкіх інгрэдыентаў (напрыклад, ёгурта)
Празмерная колькасць вадкіх інгрэдыентаў
VT-4209_A4_NEV.indd 61 18.11.2013 9:43:01
Ваш отзыв будет первым